Беларусы праз учарашнюю непагадзь апынуліся на незаселенай выспе
3- 30.07.2024, 12:14
- 14,446
Іх лодку затапіла.
Пара ў Вілейскім раёне адпачывала на лодцы на мясцовым вадасховішчы каля вёскі Сасёнка 29 ліпеня, але ў нейкі момант моцны вецер затапіў судна. Спатрэбілася дапамога ратавальнікаў. Пра гэта паведамілі ў МНС.
Інфармацыя аб здарэнні паступіла на пульт МНС а дзявятай гадзіне раніцы. На месца здарэння прыбылі супрацоўнікі Таварыства выратавання на вадзе. У лодцы знаходзіліся мужчына і жанчына, самі яны не маглі выбрацца з выспы.
Ратавальнікі даставілі іх на бераг. 35-гадовы мужчына і яго 27-гадовая спадарожніца не пацярпелі, медыцынская дапамога ім не спатрэбілася.