У Расеі спалохаліся даваць Пугачовай статус «замежнага агента»
15- 30.07.2024, 12:43
- 11,738
![У Расеі спалохаліся даваць Пугачовай статус «замежнага агента»](https://i.c97.org/ai/516433/aux-head-1663660642-20220920_pugacheva_360.jpg)
Мінюст не знайшоў падстаў.
Расейскую спявачку Алу Пугачову, якая ў пачатку поўнамаштабнай вайны выехала з мужам Максімам Галкіным і дзецьмі з РФ у Ізраіль, не прызналі «замежным агентам».
У сакавіку 2024 года кіраўнік Федэральнага праекта ў бяспецы і барацьбе з карупцыяй Віталь Барадзін напісаў, што Пугачову варта пакараць за падтрымку ўкраінцаў і даць статус "замежнага агента" ў Расеі. Аднак днямі Міністэрства юстыцыі РФ не знайшло для гэтага падстаў.
“Цяпер у распараджэнні Мінюста Расеі адсутнічаюць звесткі, якія дазваляюць зрабіць выснову аб наяўнасці абставін, з якімі дзейнае заканадаўства звязвае ўзнікненне названых абавязкаў прызнання замежным агентам», - заявіў намеснік міністра юстыцыі Алег Свірыдзенка.