«Там войска РФ закрытае ў пастцы»

Украінскі палкоўнік растлумачыў, адкуль пачнецца наступ УСУ.

Расейскае войска на тэрыторыі часова акупаванага Крыма фактычна знаходзіцца «у пастцы». Вызваленне Украіны павінна пачацца з паўднёвага кірунку, у тым ліку з дэакупацыі Крыма.

Працэс дэакупацыі можа адбывацца дыстанцыйна. Такое меркаванне ў эксклюзіўным інтэрв'ю OBOZ.UA выказаў лётчык-інструктар, палкоўнік УСУ ў запасе, ваенны экспэрт Раман Світан.

Са слоў экспэрта, у Генштабе УСУ напэўна распрацаваны план вызвалення акупаваных тэрыторый, які можа прадугледжваць такую паслядоўнасць дзеянняў: "разгортванне абарончых рубяжоў на ўсходнім і паўночным франтах, а таксама развіццё наступальных дзеянняў на паўднёвым фронце ў бок Крыму".

Світан заявіў, што гэта "аптымальная стратэгія", якая "ўлічвае размяшчэнне фронту, наяўнасць асабовага складу, сіл і сродкаў у кожнага з бакоў".

Палкоўнік падкрэсліў, што Крым мае для Расеі вялікае не толькі выключна ваеннае, але і палітычнае значэнне, і яго страта можа стаць катастрофай для крамлёўскага рэжыму.

“Крым для расейцаў - гэта адарваная луста. Там расейскае войска практычна закрытае ў геаграфічнай пастцы. У Крыме, можна сказаць, "смерць Кашчэева", пуцінская смерць. Пасля вызвалення Крыма Расея пачне раскідвацца. Пуцін дакладна не ўседзіць на сваім крэсле”, - заявіў ён.

З меркавання экспэрта, аптымальным варыянтам вызвалення паўвыспы з'яўляецца дыстанцыйнае. Для яго рэалізацыі Сілам абароны неабходныя "далёкія сродкі знішчэння, ракетная кампанента".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com