У расейскім Растове ўспыхнуў магутны пажар
2- 30.07.2024, 14:00
- 5,228
Напярэдадні відавочцы чулі моцны выбух.
У Расеі і далей кожны дзень успыхваюць пажары, 30 ліпеня «эстафету» падхапіў Растоў-на-Доне. Там гарыць склад з полікарбанатам, агонь ахапіў сотні квадратных метраў плошчы.
Аб гэтым пішуць мясцовыя СМІ. Відавочцы расказваюць, што пажару папярэднічаў выбух, у сетцы ж з'явіліся паведамленні аб магчымым захоўванні на падпаленым складзе значных запасаў камплектуючых для вытворчасці беспілотнікаў, паведамляе obozrevatel.com.
Паводле звестак мясцовых інфармацыйных выданняў, склад з полікарбанатам, на якім успыхнуў пажар, знаходзіцца на вул.Таганрожскай, 144.
«Плошча пажару на складзе з полікарбанатам на Таганрожскай, 144, павялічылася да 500 квадратаў. Агонь хутка распаўсюджваецца праз моцны вецер. Мясцовыя жыхары скардзяцца на з'едлівы пах», - адзначае адно з СМІ.
У сацсетках жыхары горада скардзяцца, што перад пачаткам пажару яны чулі выбух, аднак прапагандысты спрабуюць спісаць усё на бытавыя прычыны.
«Відавочцы паведамляюць, што ўсё пачалося праз электрашчыток - з іх словах, абсталяванне не вытрымала і ўзарвалася, і праз гэта пачаўся пажар», - запэўніваюць у адным з каналаў.
Тым часам у сетцы таксама з'явілася інфармацыя аб тым, што на згаданым складзе расейцы маглі захоўваць вялікую колькасць камплектуючы для вытворчасці дронаў.