Войскі РФ не змаглі зайсці ў Тарэцк
7- 30.07.2024, 14:15
- 5,372
![Войскі РФ не змаглі зайсці ў Тарэцк](https://i.c97.org/ai/604836/aux-head-1722338146-20240730_toreck_360.jpg)
Баі ідуць на подступах да горада.
Узброеныя сілы Расейскай Федэрацыі не ўвайшлі ў Тарэцк Данецкай вобласці. Пра гэта паведаміў кіраўнік ЦПД РНБА Андрэй Каваленка ў сваім Telegram-канале.
«Тарэцк. Цяпер расейцаў у горадзе няма. Таму на 12:00 гэтага дня інфармацыя аб заходзе расейцаў у Тарэцк не адпавядае рэчаіснасці», - сказаў Андрэй Каваленка.
Ён адзначыў, што раней у Тарэцк спрабавалі зайсці варожыя ДРГ.
Афіцэр УСУ з пазыўным «Алекс» адзначыў, што ёсць адзінкавыя выпадкі праскоквання ворага на подступах да горада, але яны няўдалыя.
«Хлопцы не дадуць схлусіць, сітуацыя на апошніх вуліцах Паўночнага (крайняга прыгарада перад Тарэцкам) складаная і фактычна там ужо… (расейцы – рэд.), што не з'яўляецца сакрэтам нават па мапе DeepState», – сказаў «Алекс».
З яго слоў, што шэрая зона на подступах да горада пашырылася, а акупанты спрабуюць адзіночнымі групамі праскокваць. Таму фактычна баі працягваюцца на мяжы горада - нават за паўсотні метраў у яго межах, растлумачыў вайсковец. Ён дадаў, што гаварыў аб баявых сутыкненнях праз пашырэнне шэрай зоны.
Украінскі вайсковец у сваім Telegram-канале «Бахмуцкі Дэман» паведаміў, што размаўляў са сваім сябрам, які з'яўляецца аператарам БПЛА, пад Тарэцкам, той заўважыў, што вораг не заходзіў у горад.
«Але колькі яшчэ пратрымаем наваколлі, невядома», - падкрэсліў ён.