Еўракамісія патрабуе ад Вугоршчыны тлумачэнняў праз змены для беларусаў

У Брусэлі бачаць пагрозы ў пастанове Будапешта.

Еўракамісія чакае ад Вугоршчыны тлумачэнняў наконт распаўсюджвання праграмы «нацыянальная карта» на грамадзян Беларусі і Расеі. Пра гэта на брыфінгу заявіла прадстаўніца ЕК Аніта Хіпер.

«Камісія будзе ў кантакце з вугорскімі ўладамі ў гэтым пытанні, каб растлумачыць маштаб гэтай схемы, ці трапляе яна пад дзеянне правіў ЕЗ», - сказала яна.

Хіпер падкрэсліла, што ЕЗ разглядае Расею ў якасці пагрозы бяспецы, таму ЕЗ і яго чальцы павінны ўжываць усе захады, каб гарантаваць бяспеку Еўразвязу і Шэнгенскай прасторы.

Яна таксама адзначыла, што Вугоршчына, у адпаведнасці са сваімі абавязацельствамі, павінна правяраць наяўнасць асоб з трэціх краін дакументаў, якія дазваляюць уезд у Еўразвяз, а таксама наяўнасць або адсутнасць забароны на ўезд у шэнгенскай інфармацыйнай сістэме.

Нагадаем, учора стала вядома, што ў праграму «нацыянальная карта» дабаўленыя грамадзяне Беларусі і Расеі. Яна мяркуе спрошчаныя ўмовы ўезду і знаходжання ў Вугоршчыне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com