«Маньяк можа ўдарыць па дамбе Кіеўскай ГЭС»
11- 30.07.2024, 14:33
- 11,196
![«Маньяк можа ўдарыць па дамбе Кіеўскай ГЭС»](https://i.c97.org/ai/604841/aux-head-1722339230-202400730_kiev_ges_360.jpg)
Раскрыты імаверны сцэнар атакі і яе наступствы.
Эколаг, дырэктар Кіеўскага эколага-культурнага цэнтра, заслужаны прыродаахоўнік Украіны Уладзімір Барэйка пракаментаваў пагрозы расейскіх акупантаў нанесці ўдар па дамбе Кіеўскай і Канеўскай ГЭС.
Падчас чата ў «Главреде» ён заявіў аб тым, што дыктатар РФ Уладзімір Пуцін - гэта «крывавы маньяк, які выжыў з розуму», таму ён можа ўдарыць і па адной, і па іншай дамбе.
«Калі дамба (Кіеўскай ГЭС, - рэд.) будзе разбураная, то Падол і амаль увесь левы бераг будуць пад вадой, і Абалонскі востраў, у які ўклалі 173 млн грыўняў, таксама. Вядома, гэта будзе вялізная трагедыя», - папярэдзіў эколаг.
Нягледзячы на тое, што саму дамбу ракетнымі ўдарамі разбурыць немагчыма, нельга забываць, што ў кожнай дамбе ёсць затвор, праз які ідзе вада, гаворыць ён.
«Затвор можна прабіць», - мяркуе субяседнік.
Ён таксама нагадаў аб тым, што ў 70-я гады 20-га стагоддзя вада дайшла да лініі метро «Гідрапарк».
«Гэта значыць, увесь Гідрапарк, увесь Труханаў, усе астатнія выспы былі залітыя. Але тады там было мала пабудоў, а зараз яны там масава. Таксама была залітая Конча-Заспа, якая тады яшчэ не была забудаваная. Ёсць фатаграфіі, як па Дняпры плывуць цэлыя дамы. Таксама ў 70-я гады яшчэ не быў так забудаваны Харкаўскі масіў, і тады ўсё гэта залівалася. Таму заспакойлівыя прамовы «экспертаў» зняпраўджваюцца фатаграфіямі, зробленымі ў 70-я гады», - дадаў Барэйка.