Ізраіль заклікаў выключыць Турцыю са складу NATO
- 30.07.2024, 15:43
- 5,002
![Ізраіль заклікаў выключыць Турцыю са складу NATO](https://i.c97.org/ai/267480/aux-small-1509267497-20171029_israel_360.jpg)
Праз пагрозу Эрдагана.
Міністр замежных спраў Ізраіля Ісраэль Кац заклікаў NATO выключыць са свайго складу Турцыю праз пагрозы прэзідэнта Раджэпа Таіпа Эрдагана ўвесці войскі ў Ізраіль.
Пра гэта паведамляе Politico.
Міністр даручыў дыпламатам тэрмінова звязацца з усімі чальцамі NATO, заклікаўшы асудзіць Турцыю і патрабуючы яе выключэння з Альянсу.
Politico нагадала, што Турцыя ўступіла ў NATO ў 1952 годзе і мае другое па колькасці войска ў Альянсе.
Адзначаецца, што NATO не мае спецыяльнага механізму для прыпынення сяброўства ці выключэння з Альянсу.