WSJ: ЗША рыхтуюць «сюрпрызы» для F-16, якія перададуць Украіне

Знішчальнікі будуць аснашчаныя сучасным узбраеннем.

ЗША пагадзіліся ўзброіць дзясяткі знішчальнікаў F-16, якія перададуць Украіне, ракетамі амерыканскай вытворчасці і іншым сучасным узбраеннем гаворыцца ў матэрыяле The Wall Street Journal.

Амерыканскі чыноўнік, з якім паразмаўляла выданне, заявіў, што нягледзячы на абмежаваныя запасы і вытворчыя магчымасці Пентагона, ён забяспечыць F-16 боепрыпасамі класа «паветра-зямля», камплектамі дакладнага навядзення для бомбаў і сучаснымі ракетамі класа «паветра-паветра» ў дастатковай колькасці, каб задаволіць самыя надзённыя патрэбы Украіны.

«Мы ўпэўненыя, што зможам паставіць усё гэта [узбраенне], прынамсі крытычныя аб'ёмы, у якіх яны маюць патрэбу», — сказаў ён.

Адзначаецца, што гаворка ідзе аб такім узбраенні для F-16:

ракеты класа «паветра-зямля» AGM-88 HARM;

версіі камплектаў боепрыпасаў падвышанай далёкасці Joint Direct Attack Munition, якія ператвараюць некіравальныя бомбы ў «разумную» зброю;

бомбы малога дыяметра, якія выбухаюць у вузкім радыусе паразы;

сучасныя ракеты сярэдняй далёкасці класа «паветра-паветра» AMRAAM;

ракеты AIM-9X малой далёкасці класа «паветра-паветра» для самалётаў.

«Сам самалёт без зброі нічога не варты», – сказаў генерал-маёр Рольф Фоланд, камандуючы Каралеўскімі ВПС Нарвегіі.

ЗША і іх хаўруснікі адмовіліся назваць канкрэтныя тэрміны атрымання самалётаў і ўзбраення да іх з меркаванняў бяспекі.

Што тычыцца абслугоўвання самалётаў і падрыхтоўкі пілотаў, адзін з суразмоўцаў WSJ сказаў, што большасць рамонтных работ можна праводзіць не ў ЗША, а бліжэй да зоны баявых дзеянняў, але з часам Украіне спатрэбяцца ўласныя рамонтныя магутнасці.

Пасля таго, як будзе наладжаны працэс падрыхтоўкі пілотаў і тэхнічнага абслугоўвання, усё яшчэ існуюць сумневы наконт выкарыстання самалётаў у баі, асабліва праз тое, што ўкраінскія пілоты прывыклі лётаць на савецкіх рэактыўных самалётах.

Іншы суразмоўца адзначыў, што, як правіла, дацкаму пілоту F-16 звычайна патрабуецца больш за чатыры гады, каб цалкам падрыхтавацца да палётаў, а ўкраінскім пілотам спатрэбілася толькі блізу аднаго года.

«І ў адрозненне ад амерыканскіх пілотаў F-16, якія звычайна праводзяць, прынамсі, год са сваім падраздзяленнем перад размяшчэннем, гэтыя хлопцы пойдуць непасрэдна ў бой», – сказаў амерыканскі чыноўнік аб украінскіх байцах.

Акрамя таго, незразумела, як F-16 будуць выкарыстоўвацца супраць расейскіх войск.

Амерыканскі чыноўнік заявіў, што Вашынгтон абмяжуе выкарыстанне перададзенай зброі для нанясення ўдараў па расейскай тэрыторыі, як і ў выпадку з іншымі тыпамі ўзбраенняў. Такім чынам, Кіеву будзе дазволена выкарыстоўваць іх на расейскай тэрыторыі толькі ў адказ на напады з-за мяжы.

Ён дадаў, што Украіна хоча выкарыстоўваць знішчальнікі для палётаў да мяжы і стральбы па Расеі, але гэтая тактыка не з'яўляецца рэалістычнай у цяперашніх варунках праз пагрозу з боку расейскіх ракет класа «зямля-паветра».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com