У Расеі пры загадкавых абставінах загінуў яшчэ адзін топ-мэнэджар
11- 30.07.2024, 17:03
- 14,808
![У Расеі пры загадкавых абставінах загінуў яшчэ адзін топ-мэнэджар](https://i.c97.org/ai/604862/aux-head-1722348197-20240729_chibisau_360.png)
@GCHIBISOV
Яго цела знайшлі ў рацэ.
У Расеі топ-мэнэджар Маскоўскай біржы Георгій Чыбісаў загінуў падчас прагулкі на яхце. Пра гэта паведамляе расейскі Telegram-канал Baza ў аўторак, 30 ліпеня.
Як адзначае Telegram-канал, 44-гадовы мужчына быў дырэктарам па медыях і рэкламе біржы. Ён знік увечары 27 ліпеня. Яго родныя паведамілі, што Чыбісаў паехаў гуляць на катэры, паспеў напісаць сваёй жонцы і знік.
Са слоў людзей, якія былі з Чыбісавым на яхце, той выйшаў на палубу, пасля чаго апынуўся ў вадзе. Яго нібыта спачатку спрабавалі адшукаць самастойна, пасля чаго выклікалі ратавальнікаў.
Baza са спасылкай на крыніцы піша, што цела расейскага топ-мэнэджара знайшлі ў рацэ 28 ліпеня. Паліцыя распачала крымінальную справу паводле артыкула аб парушэнні правіл бяспекі руху воднага транспарту.