УСУ паспяхова атакавалі нафтабазу расейцаў у Курскай вобласці
1- 30.07.2024, 17:36
- 2,772
![УСУ паспяхова атакавалі нафтабазу расейцаў у Курскай вобласці](https://i.c97.org/ai/604561/aux-head-1722160476-20240720_naftabaza_360.png)
Пра гэта паведаміў украінскі Генштаб.
Сёння, 30 ліпеня, УСУ быў нанесены ўдар па чарговым стратэгічным аб'екце расейскіх акупантаў. Пра гэта паведаміў Генеральны штаб Узброеных сіл Украіны ў Telegram.
«Сёння ўначы паспяхова атакаваная нафтабаза ворага «Лагістычны цэнтр №43» у населеным пункце Вазах Курскай вобласці РФ. Паводле звестак выведкі, у выніку нападу на аб'екце супраціўніка ўзнік пажар», - гаворыцца ў паведамленні.
Адзначаецца, што ўдар нанесены сіламі і сродкамі Службы бяспекі Украіны ва ўзаемадзеянні з іншымі складнікамі Сіл абароны.
«Больш падрабязная інфармацыя аб наступствах атакі нафтабазы зараз удакладняецца. Сілы абароны і ў далейшым будуць ужываць усе магчымыя захады для падрыву вайскова-эканамічнага патэнцыялу расейскіх акупантаў, каб прымусіць іх спыніць узброеную агрэсію супраць Украіны», - адзначылі ў Генштабе УСУ.