Reuters даведалася, калі Гарыс абвесціць свайго кандыдата ў віцэ-прэзідэнты
5- 30.07.2024, 19:48
- 4,870
![Reuters даведалася, калі Гарыс абвесціць свайго кандыдата ў віцэ-прэзідэнты](https://i.c97.org/ai/603509/aux-head-1721400983-20240713_рфкны_360.png)
СМІ назвалі чацвярых прэтэндэнтаў.
Ужо на наступным тыдні віцэ-прэзідэнтка ЗША Камала Гарыс плануе пачаць перадвыбарныя мерапрыемствы. Гэта адбудзецца адразу пасля абвяшчэння ёю кандыдата ў віцэ-прэзідэнты.
Пра гэта паведамляе Reuters.
Са слоў адной з ананімных крыніц выдання, Гарыс абвесціць свайго кандыдата на пасаду віцэ-прэзідэнта ЗША перад паездкай на наступным тыдні ў штаты, галасы якіх могуць вызначаць лёс прэзідэнцкіх выбараў.
У апошнія гады ў такія штаты залічаюць, сярод іншага, Мічыган, Пенсільванію і Вісконсін.
Запланаваная паездка можа сведчыць аб тым, што Харыс набліжаецца да прыняцця пастановы аб тым, хто стане яе партнёрам у перадвыбарнай кампаніі.
У кароткі спіс кандыдатаў СМІ залічылі:
губернатара Пенсільваніі Джоша Шапіра,
сэнатара ЗША Марка Кэлі з Арызоны,
губернатара Мінесоты Ціма Волца,
міністра транспарту Піта Буціджэджа.