Лукашэнка памілаваў прысуджанага да смяротнага пакарання грамадзяніна Нямеччыны

Рыка Крыгера абвінавачвалі паводле шасці артыкулаў Крымінальнага кодэкса.

Аляксандр Лукашэнка прыняў пастанову аб памілаванні грамадзяніна Нямеччыны Рыка Крыгера, прысуджанага да пакарання смерцю, паведамілі ў прэс-службе дыктатара.

Іншыя падрабязнасці не паведамляюцца, ці было заменена смяротнае пакаранне на пажыццёвае ці іншы тэрмін пазбаўлення волі, альбо асуджаны быў вызвалены.

Нагадаем, раней Рыка Крыгер напісаў прашэнне аб памілаванні. З гэтай нагоды Лукашэнка 30 ліпеня запрасіў у свой кабінет "людзей, уцягнутых у працэс, пачуць падрабязнасці, меркаванні, параіцца".

Грамадзяніна Нямеччыны абвінавачвалі паводле шасці артыкулаў Крымінальнага кодэкса:

арт. 133 (Наёмніцтва);

ч. 3 арт. 289 (Акт тэрарызму);

ч. 4 арт. 295 (Незаконныя дзеянні з агнястрэльнай зброяй, боепрыпасамі і выбуховымі рэчывамі);

ч. 4 арт. 309 (Прывядзенне ў непрыдатнасць транспарту або рэек);

ч. 3 арт. 361-1 (Стварэнне экстрэмісцкага фармавання або ўдзел у ім);

арт. 358-1 (Агентурная дзейнасць).

Прысуд Крыгеру абвясціў 21 чэрвеня намеснік старшыні Менскага абласнога суда Алег Лапека.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com