Апазіцыя Вэнэсуэлы абяцае новыя мітынгі па выніках выбараў

Большасць краін рэгіёну не прызнала афіцыйныя вынікі выбараў.

fВэнэсуэльская апазіцыя працягне акцыі супраць афіцыйных вынікаў прэзідэнцкіх выбараў, пераможцам якіх выбарчая камісія абвясціла дыктатара Нікаласа Мадуру. Пра гэта ў аўторак, 30 ліпеня, паведаміла лідэрка апазіцыйнага руху Vente Venezuela Марыя Карына Мачада.

Супраціўнікі дзейнай улады атрымалі доступ да 73,2% пратаколаў з выбарчых пунктаў, растлумачыла Мачада. Паводле ейных слоў, высветлілася, што апазіцыйны кандыдат Эдмунда Гансалес Урутыа перамог ва ўсіх штатах Вэнэсуэлы, набраўшы ў суме больш за 6,2 млн галасоў, а Мадура — толькі 2,7 млн. Незалежныя назіральнікі таксама гавораць аб упэўненай перамозе апазіцыі.

Напярэдадні на вуліцы вэнэсуэльскіх местаў выйшлі сотні тысяч чалавек. У сутыкненнях з паліцыяй загінулі тры з іх, піша газэта El Nacional. Паліцыянты паспрабавалі ўварвацца ў рэзідэнцыю амбасадара Аргентыны, дзе хаваюцца шэсць апазіцыянераў. Мачада 30 ліпеня абвясціла аб новай акцыі пратэсту ля будынка ААН у Каракасе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com