У Крыме паскардзіліся на аварыю на падстанцыі
4- 30.07.2024, 20:09
- 2,726
![У Крыме паскардзіліся на аварыю на падстанцыі](https://i.c97.org/ai/604883/aux-head-1722359346-20240101_skriin_360.jpg)
Без святла засталіся больш за 53 тысячы чалавек.
У часова акупаваным Крыме адбылася аварыя на высакавольтнай падстанцыі ў Керчы. Праз гэта без святла засталіся больш за 53 тысячы мясцовых жыхароў.
Пра гэта паведамляе РБК-Украіна са спасылкай на так званага «першага намесніка міністра паліва і энэргетыкі Крыма» Уладзіміра Варанкіна ў Telegram.
Варанкін сцвярджае, што ў 17:05 «быў парушаны тэхналагічны працэс» на высакавольтнай падстанцыі ў Керчы. Гэта прывяло да адключэння святла ў населеных пунктах Керчанскага раёна.
«Абясточана: 362 трансфарматарныя падстанцыі, г. Керч, с. Бандарэнкава, с. Ягораў, с. Курортнае, с. Войкава, с. Глазаўка, с. Асавіны, с. Юркіна, 23140 пунктаў паставак, 53222 чалавекі», – напісаў ён.
Пры гэтым акупант паабяцаў вярнуць святло мясцовым жыхарам цягам трох гадзінаў.