У Менску не змаглі прадаць з аўкцыёну 14-гадовага кракадзіла
11- 30.07.2024, 20:40
- 7,084
![У Менску не змаглі прадаць з аўкцыёну 14-гадовага кракадзіла](https://i.c97.org/ai/600673/aux-head-1719502195-20240101_mks_360.jpg)
За Дандзі хацелі атрымаць 2 тысячы рублёў.
Нільскага кракадзіла хацелі прадаць у Менску падчас аўкцыёну, які прайшоў 30 ліпеня, але беспаспяхова. У гандлі, праўда, удзельнічаў адзін пакупнік, але ў выніку ён не пацвердзіў заключэнне ўгоды, паведаміла ЗАТ «Белрэалізацыя».
Нільскаму кракадзілу з імем Дандзі 14 гадоў, цяпер ён жыве ў Менскім заапарку. Уласнікам маёмасці значыцца ТАА «Аўтсорсінг Карпарэйшн», якое цяпер знаходзіцца ў працэсе ліквідацыі.
За кракадзіла хацелі атрымаць 2 тыс. рублёў, але, здаецца, столькі ён не каштуе.