Рэкордная атака расейскіх «шахедаў» была няўдалай
4- 31.07.2024, 10:47
- 5,188
![Рэкордная атака расейскіх «шахедаў» была няўдалай](https://i.c97.org/ai/521663/aux-head-1666856420-20221027_Shahed-136_dron_360.jpg)
Украінскія сілы СПА збілі ўсе 89 дронаў.
Уночы ў сераду, 31 ліпеня, расейскае войска атакавала Украіну кіраванай авіяцыйнай ракетай Х-59 і 89 шахедамі. Украінскія сілы СПА знішчылі ўсе цэлі.
Пра гэта паведаміў камандзір Паветраных сіл УСУ Мікалай Аляшчук.
Адзначаецца, што кіраваную авіяракету Х-59 расейцы запусцілі з паветранай прасторы акупаванай часткі Херсоншчыны, спрабуючы ўдарыць па Мікалаеўскай вобласці, а шахеды - з раёнаў Ейска, Сешчы, Курска і Прыморска-Ахтарска, РФ. Асноўным кірункам удару стала Кіеўская вобласць.
«Гэта адзін з самых масаваных нападаў ударных БПЛА Shahed-131/136. Такую ж колькасць шахедаў вораг прымяняў у навагоднюю ноч 1 студзеня 2024 года. Як тады, сёння ўкраінская супрацьпаветраная абарона выстаяла і адбіла масаваную атаку варожых беспілотнікаў», - заявіў Аляшчук.