Пляменнік Трампа расказаў, што будзе галасаваць за Гарыс
12- 31.07.2024, 10:55
- 4,984
![Пляменнік Трампа расказаў, што будзе галасаваць за Гарыс](https://i.c97.org/ai/604936/aux-small-1722412473-20240729_fred_tramp_360.png)
ФОТА: ABC NEWS
І гатовы агітаваць за магчымага кандыдата ад дэмакратаў.
Пляменнік экс-прэзідэнта ЗША Дональда Трампа Фрэд заявіў, што ягоны дзядзька «атамны вар'ят».
«У кожнай сям'і ёсць свой вар'ят дзядзька. Мой - атамны вар'ят... Ён робіць рэчы, ад якіх я ўздрыгваю і кажу: няўжо гэта той самы хлопец, якога я ведаў? Што прымусіла яго змяніцца? Але пры ўсім гэтым, у мяне з ім заўсёды былі добрыя стасункі», - сказаў Фрэд Трамп у інтэрв'ю ABC News.
Паводле ягоных слоў, на выбарах ён плануе галасаваць за віцэ-прэзідэнтку Камалу Гарыс, бо ейная палітыка яму блізкая.
«Без сумневу, палітыка Камалы Гарыс - гэта тое, што я падтрымліваю. Таму я буду галасаваць за Камалу Гарыс», - падкрэсліў пляменнік Трампа.
Больш за тое, ён гатовы без ваганняў агітаваць галасаваць за яе, калі яго папросяць. У той жа час Фрэд усё ж наведае інаўгурацыю, калі ягоны дзядзька пераможа і запросіць яго.