У Данецку ўпаў гелікаптэр з параненымі расейскімі акупантамі
6- 31.07.2024, 12:56
- 7,832
![У Данецку ўпаў гелікаптэр з параненымі расейскімі акупантамі](https://i.c97.org/ai/604959/aux-head-1722419759-20240729_vertalot_360.png)
СМІ пішуць, што ён быў збіты.
У часова акупаваным Данецку ў сераду, 31 ліпеня, прагрымелі выбухі. У Пралетарскім раёне горада паднімаецца дым, паведамляюць «Навіны Данбаса».
Мясцовыя суполкі пішуць, што ў Данецку працавала СПА. Таксама прарасейскія Telegram-каналы паведамляюць, што ў Пралетарскім раёне быў «прылёт», узнік пажар.
У сеціве кажуць, што ў горадзе, магчыма, ёсць траплянне ў расейскі вайсковы гелікаптэр. З неафіцыйных звестак, абломкі ад гелікаптэра падалі за некалькі кіламетраў ад выбуху, піша “РБК-Україна”.
У гелікаптэры перавозілі параненых расейскіх акупантаў.