Экспэрт: Склады вайсковай тэхнікі РФ амаль спустошаныя

Расейскае войска «выходзіць у нуль».

Расейскія склады з вайсковай тэхнікай амаль спустошаныя, праз што акупацыйнае войска адчувае недахоп і папаўняе свае запасы або савецкімі рэшткамі, або бадзяецца ў пошуках па свеце. Пра гэта «24 каналу» паведаміў вайскова-палітычны аглядальнік групы «Інфармацыйны супраціў» Аляксандр Каваленка.

«Расея па ўсім свеце шукае ці савецкую тэхніку, ці расейскую, якую яна экспартавала раней многім краінам. Там таксама звярталіся і ў Паўночную Карэю. Такім чынам, з гэтым у Расеі зараз сітуацыя крытычная», – сказаў Каваленка.

З ягоных слоў, недахоп вайсковай тэхнікі ў акупантаў выкліканы працягам значнай актыўнасці на полі бою, у выніку чаго вораг страчвае вельмі шмат тэхнікі.

У той жа час хутка аднаўляць яе запасы расейцам складана, таму яны шукаюць іншыя шляхі папаўнення гэтага вайсковага рэсурсу.

Цяпер, як сцвярджае Каваленка, расейскае войска «выходзіць у нуль» ў стратах тэхнікі, паколькі папаўняе запасы рэшткамі, якія ёсць на складах і цэнтрах захоўвання старой савецкай тэхнікі.

Вайсковы экспэрт адзначыў, што расейскія склады з тэхнікай амаль спустошаны.

На думку Аляксандра Каваленкі, 2024 год для Расеі можа стаць крытычным, улічваючы недахоп забеспячэння тэхнікі ў акупацыйным войску.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com