Мянчук збіў двух бармэнаў за адмову ставіць былой жонцы песню

Ён падумаў, што яго былую абразілі.

Мянчук збіў бармэнаў за адмову ставіць былой жонцы песню. Падрабязнасці агучылі агенцтву «Мінск-Навіны» у пракуратуры Цэнтральнага раёну.

У паведамленні сказана, што ў тую ноч 35-гадовы жыхар Менска гуляў па горадзе са сваёй былой жонкай. Пад раніцу яны прынялі рашэнне зайсці ў бар, размешчаны на праспекце Пераможцаў, і зрабілі замову. Жанчына была нападпітку, паводзіла сябе задзірліва і некалькі разоў прасіла дзяўчыну-бармэна ўключыць ёй пэўную музычную кампазіцыю, аднак ёй адказвалі адмовай. Здарыўся славесны канфлікт.

Мянчук наважыў, што ягоную былую жонку абразілі, і пайшоў на другі паверх установы шукаць дырэктара. Там ён убачыў другога бармэна, які спаў на канапе, разбудзіў яго і спытаў, ці з'яўляецца ён уладальнікам установы. Фігурант, не дачакаўшыся адказу, пачаў збіваць бармэна. На шум прыбегла дзяўчына-бармэн, паспрабавала адцягнуць зламысніка, але ён двойчы ўдарыў яе ў галаву. Разняць бойку дапамаглі наведвальнікі бара, якія выклікалі міліцыю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com