Ва Украіны нечаканы «хаўруснік», які масава косіць расейцаў на фронце

Расейскія ваенкары б'юць трывогу.

Расейскія вайсковыя прапагандысты выказваюць трывогу наконт павальнага п'янства салдат на фронце, асабліва на Херсонскім кірунку. Адзін з Z-каналаў заяўляе, што праблема дасягнула пагрозлівых маштабаў і становіцца прычынай вялікіх страт, піша «Диалог».

Расейцы п'юць у тыле, пасля чаго адкрываюць агонь па сваіх жа, а таксама падстаўляюць саслужыўцаў падчас наступлення.

Алкаголь падраздзяленням пастаўляюць расейскія камандзіры і сілавікі, якія кантралююць гэты бізнэс і нажываюцца на ім.

«На гэты момант вельмі вялікі адсотак загінулых на кірунку - сінька. Бухаюць практычна ўсё», - піша расейскі Z-ваенкар.

Больш за тое, з яго слоў, у расейскіх падраздзяленнях рэгулярна гіне па паўроты праз аднаго п'янага салдата.

«Калі гэты сіняк пачынае страляць па сваіх, удвая крыўдней», - піша ён.

Расейцы сцвярджаюць, што калі ў складзе падраздзялення штурмаваць Крынкі ідзе хаця б адзін п'яны салдат, усе яго саслужыўцы асуджаныя на гібель. На Херсонскім кірунку ў расейскіх вайскоўцаў няма ніякіх абмежаванняў на алкагольныя напоі. Мясцовыя барыгі пастаўляюць іх проста ў падраздзяленні, а камандаванне заплюшчвае на гэта вочы. У выніку і без таго высокія страты яшчэ больш павялічыліся.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com