Каманда Турцыі замовіла 300 порцый шаўрмы пасля выхаду ў плэй-оф Еўра
1- 4.07.2024, 21:06
- 4,390
![Каманда Турцыі замовіла 300 порцый шаўрмы пасля выхаду ў плэй-оф Еўра](https://i.c97.org/ai/601592/aux-head-1720116373-20240101_skriin_360.jpg)
Уладальніку гановерскай закусачнай давялося гатаваць больш за 100 кг мяса.
Каманда Турцыі пасля выхаду з групы на чэмпіянаце Еўропы замовіла ў свой гатэль пад Гановерам 300 порцый шаўрмы, паведамляе Bild.
Уладальнік кавярні Lister Döner Далдар Джунаід расказаў газеце, што гульцы падчас турніру заходзілі да яго ў кавярню, а тут яму патэлефанаваў адміністратар каманды і сказаў, што хоча атрымаць 300 порцый шаўрма праз тры гадзіны. Джунаіду давялося ехаць да гатэля на трэйлеры з мабільнай закусачнай і гатаваць больш за 100 кг мяса.
На святкаванне паклікалі ўсіх, у тым ліку паліцыю, супрацоўнікаў гатэля і ахоўнікаў. «Адзін з гульцоў з'еў тры шаўрмы, але я не скажу хто», – заявіў уладальнік кавярні.
Джунаід дадаў, што пасля выхаду ў чвэрцьфінал каманды Турцыі зноў замовілі 300 порцый шаўрмы, але ягоны трэйлер у той дзень быў у іншым месцы.
Туркі выйшлі ў плэй-оф 26 чэрвеня пасля перамогі над Чэхіяй (2:1). У 1/8 фіналу туркі 2 ліпеня падолелі аўстрыйцаў (2:1) і ўпершыню за 16 гадоў выйшлі ў чвэрцьфінал Еўра.
Наступны матч каманда Турцыі правядзе 6 ліпеня з Нідэрландамі.