Прэм'ер Індыі рыхтуе ультыматум Пуціну

Патрабаванне будзе агучанае падчас візіту ў Маскву.

Прэм'ер-міністр Індыі Нарэндра Модзі падчас свайго візіту ў Маскву, які адбудзецца 8–9 ліпеня, запатрабуе ад Уладзіміра Пуціна вярнуць на радзіму індыйскіх грамадзянаў, падманам ублытаных у вайну супраць Украіны. Пра гэта заявіў першы намеснік міністра замежных справаў паўднёваазіяцкай краіны Вінай Кватра.

Ён дадаў, што дзякуючы намаганням, якія прыкладае індыйскі бок, з вайны ва Украіне ўжо атрымалася вярнуць 10 індыйцаў. «Былі зробленыя ўсе намаганні, каб грамадзяне Індыі вярнуліся як мага хутчэй», – адзначыў Кватра.

Як стала вядома Reuters, толькі цягам апошніх месяцаў было выяўлена «некалькі выпадкаў», калі расейскія ўлады падманным шляхам завабілі да ўдзелу ў баявых дзеяннях індыйцаў. У траўні індыйская паліцыя арыштавала чатырох чалавек, якія падазраюцца ў датычнасці да незаконнай адпраўкі на вайну мясцовых жыхароў. Усяго з пачатку поўнамаштабнага ўварвання ва Украіну загінулі не менш за чатыры грамадзяніны Індыі, чаму індыйскія ўлады раней ужо заклікалі Маскву неадкладна спыніць вярбоўку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com