«Я той хлопец, які спыніў Пуціна»

Байдэн здзівіў заявай пасля дэбатаў.

Прэзідэнт ЗША Джо Байдэн прыпісаў сабе дасягненні ў дачыненні да расейскага дыктатара Уладзіміра Пуціна – заявіўшы, што ён змог яго спыніць. Пра гэта ён сказаў у інтэрв'ю ABC News.

Амерыканскі лідар таксама назваў сябе чалавекам, які здолеў згуртаваць NATO і аб'яднаць 50 дзяржаваў, якія знаходзяцца не толькі ў Еўропе, каб дапамагчы ўкраінцам, якія супрацьстаяць агрэсіі РФ.

«Я той хлопец, які спыніў Пуціна. Ніхто не думаў, што гэта можа здарыцца. Я той хлопец, які разам з AUKUS (трохбаковы пакт бяспекі, альянс, які ўтварылі Штаты, Вялікая Брытанія і Аўстралія, – рэд.) распрацаваў паўднёва-ціхаакіянскую ініцыятыву», – сказаў Байдэн.

Ён таксама апраўдаўся за няўдалыя дэбаты з апанентам на будучых выбарах прэзідэнта ЗША – экс-прэзідэнтам рэспубліканцам Дональдам Трампам. Кіраўнік краіны сцвярджаў, што быў хворы і «адчуваў сябе жудасна».

Паводле словаў Байдэна, да мерапрыемства ён нават прасіў праверыць, ці няма ў яго каранавірусу COVID, тэст быў адмоўным.

«Я проста моцна застудзіўся», – дадаў ён.

Акрамя таго, Байдэн запэўніў, што можа перамагчы Трампа на выбарах і кіраваць амерыканскай дзяржавай цягам другога прэзідэнцкага тэрміну.

«Я не балатаваўся б, калі б не думаў, што гэта так», – падкрэсліў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com