Эстонія даставіла Украіне ЗРК Mistral
2- 6.07.2024, 15:56
- 5,218
І ракеты да іх.
Украіна атрымала ад Эстоніі зенітна-ракетныя комплексы малой далёкасці Mistral і ракеты да іх. Пра гэта паведаміла прэс-служба Міністэрства абароны Эстоніі ў X::
– Зенітна-ракетныя комплексы малой далёкасці Mistral і ракеты да іх дастаўленыя ва Украіну. Давайце і далей падтрымліваць змагароў за свабоду.
Mistral – гэта сучасны зенітна-ракетны комплекс для паразы гелікаптэраў і самалётаў, распрацаваны ў Францыі. Ён даступны як у партатыўным варыянце (ПЗРК), так і для выкарыстання на стартавых платформах для транспартных сродкаў, караблёў і гелікаптэраў.
Комплекс мае радыус дзеяння да 6 кіламетраў, прызначаны для абароны ад самалётаў і гелікаптэраў, якія лётаюць даволі нізка.