Парламенцкія выбары ў Францыі скончыліся з нечаканым вынікам

Поспех левых і партыі Макрона.

Кааліцыя левых партый «Новы народны фронт» (NPF) здабыла перамогу ў другім туры парламенцкіх выбараў у Францыі і атрымала 182 месцы ў Нацыянальным сходзе, сведчаць афіцыйныя звесткі МУС краіны, паведамляе RFI.

Другое месца заняла цэнтрысцкая кааліцыя «Разам» прэзідэнта Эмануэля Макрона (168 месцаў), трэцяе – ультраправае «Нацыянальнае аб'яднанне» (RN) Марын Ле Пен і Жордана Бардэлы, якое атрымала 143 месцы.

Следам за імі размясціліся кансерватары з партыі «Рэспубліканцы» (45 месцаў). Астатнія мандаты паміж сабой падзяляюць незалежныя дэпутаты і прадстаўнікі малых аб'яднанняў.

Прыход на выбарах склаў 66,63 працэнта.

Пры гэтым ніводнай палітычнай сіле не ўдалося атрымаць большасці ў парламенце. У Нацыянальным сходзе засядаюць 577 дэпутатаў, для большасці неабходна 289 месцаў.

Прэмʼер-міністр Францыі Габрыэль Аталь павінен падаць Эмануэлю Макрону прашэнне аб адстаўцы. Абвяшчаючы пра гэта ў нядзелю ўвечары, ён даў зразумець, што гатовы працягваць выконваць абавязкі ў святле палітычнай нявызначанасці, якая ўзнікла пасля выбараў.

Макрон пакуль не даваў афіцыйных каментароў.

«Нацыянальнае абʼяднанне» заняло першае месца паводле вынікаў першага тура і спадзявалася на высокі вынік падчас нядзельнага галасавання, аднак перад другім турам левыя і прыхільнікі Макрона абʼядналі намаганні, каб прадухіліць перамогу ўльтраправых.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com