Bloomberg: Тыднёвы экспарт нафты з Расеі ўпаў на рэкордныя з 2022 года 37%
2- 9.07.2024, 18:22
- 3,928
Адгрузкі знізіліся амаль з усіх расейскіх экспартных тэрміналаў.
За тыдзень з 1 да 7 чэрвеня марскі экспарт расейскай сырой нафты ўпаў мацней за ўсё з лютага 2022 года, склаўшы 2,67 млн бар. за дзень супраць 3,66 млн бар. за дзень на тыдзень раней (падзенне склала 37%), а менш валацільны чатырохтыднёвы сярэдні паказнік упаў да самага нізкага ўзроўню з лютага гэтага года, паведамляе Bloomberg са спасылкай на ўласныя падлікі.
Адгрузкі знізіліся амаль з усіх расейскіх экспартных тэрміналаў сырой нафты (за выключэннем тэрміналаў у Мурманску і на Сахаліне). Пры гэтым асноўным імпарцёрам расейскай нафты паводле чатырохтыднёвага паказніка па-ранейшаму застаецца Індыя (1,8 млн бар. за дзень) і Кітай (0,9 млн бар. за дзень). «Іншыя краіны Азіі» таксама павялічылі імпарт за апошні тыдзень, паводле падлікаў Bloomberg, з 0,1 да 0,2 млн бар.
Як адзначае агенцтва, для такога рэзкага спаду экспарту не было ніякай «выразнай прычыны», у тым ліку прабелаў у праграмах пагрузкі, якія маглі б паказваць на працы ў тэхнічным абслугоўванні, а таксама паведамленняў пра штормы, якія ўплываюць на швартоўку.
Тым не менш, піша Bloomberg, да скарачэння экспарту маглі прывесці паляпшэнне адпаведнасці Расеі мэтаваму паказніку здабычы АПЕК+, калі (пры выкарыстанні каэфіцыента пераліку 7,18 бар. на тону) расейская здабыча з сакавіка да чэрвеня ўпала прыкладна на 360 тыс. бар. за дзень. Аднаўленчыя працы на НПЗ таксама маглі прывесці да скарачэння паставак.
Разам з тым, зазначае агенцтва, валавы кошт паставак расейскай сырой нафты таксама знізіўся за сем дзён да 7 ліпеня, аднак падзенне было змякчана чацвёртым запар тыднёвым ростам коштаў нафты.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
