У Беларусі ўпершыню правялі найскладанейшую хірургічную аперацыю
15- 9.07.2024, 20:13
- 11,888
![У Беларусі ўпершыню правялі найскладанейшую хірургічную аперацыю](https://i.c97.org/ai/552149/aux-head-1686857887-20230613_irurg_360.jpg)
Пациента выписали на 10-е сутПацыента выпісалі на 10-ы дзень пасля аперацыі.ки после операции.
Беларускія лекары ўпершыню правялі вельмі складаную аперацыю на падстраўнікавай залозе і чэраўных сасудах. Да яе медыкі рыхтаваліся некалькі месяцаў, паведамілі ў тэлеграм-канале Міністэрства аховы здароўя.
Аперацыю праводзілі ў Менскім навукова-практычным цэнтры хірургіі, транспланталогіі і гематалогіі. Яе рабіла цэлая брыгада медыкаў, у якую ўвайшлі намеснік дырэктара цэнтра Аляксей Шчэрба, загадчык аддзялення партальнай гіпертэнзіі Леанід Кіркоўскі, кіраўнік аддзялення мікрасасудзістай хірургіі Дзмітрый Ладуцька, Наталля Ягорава – анестэзіёлаг-рэаніматолаг, а таксама лекар аддзялення партальнай гіпертэнзіі Максім Васіленка.
Медыкі выканалі рэзекцыю падстраўнікавай залозы з селязёнкай, чэраўным ствалом і сасудамі, якія кровазабяспечваюць печань і страўнік.
Складанасць аперацыі была ў тым, што паталагічны працэс быў размешчаны на аорце і чэраўным ствале, а таксама ў пацыента былі дадатковыя пячоначныя артэрыі.
Паводле словаў Аляксея Шчэрбы, такая аперацыя – гэта «вяршыня сукупнага досведу і ведаў у хірургіі падстраўнікавай залозы, трансплантацыі органаў, судзінкавых алаграфтаў і мікрасасудзістай хірургіі нават для топавага хірургічнага цэнтра Еўропы і ЗША».
Пацыента выпісалі на 10-ы дзень пасля аперацыі. Цяпер ягоны стан здавальняльны.