«Здзек»: беларуска паказала чаргу а 6 раніцы перад паліклінікай
19- 19.08.2024, 12:16
- 9,806
Ролік за пяць дзён набраў больш за 125 тысяч праглядаў і амаль паўтысячы каментароў.
Жыхарка Барысава паказала ў TikTok чаргу ў паліклініку ў сваім горадзе — бацькі стаяць у ёй з самай раніцы, каб узяць талон на медкамісію для сваіх дзяцей-школьнікаў.
Жанчына расказала, што а 5.50 раніцы была 17-й у чарзе ў дзіцячую рэгістратуру 1-й барысаўскай паліклінікі, каб узяць талоны на школьную медкамісію. Пры гэтым у роліку бачна, што чарга стаіць на вуліцы, піша zerkalo.io.
Паводле слоў беларускі, медкамісію для школы трэба праходзіць "у месяц і дзень нараджэння дзіцяці, плюс-мінус, у нас акурат у жніўні". Яна таксама напісала, што ў 1-й барысаўскай паліклініцы "талоны даюць на медкамісію не да лекара, а да медсёстраў, да лекараў прабіцца наогул нерэальна".
@annastorm77 ♬ оригинальный звук - Марья
Ролік за пяць дзён набраў больш за 125 тысяч праглядаў і амаль паўтысячы каментароў. Самы упадабаны з іх такі: “Першы раз чую, талон для школьнай медкамісіі. У нас выпісвае медсястра ўчастковага педыятра. Прыйшоў, узяў і пайшоў. Ніякай чаргі, тым больш з 5 раніцы, чакаць не трэба”.
Пад сотню падабаец у такой фразы: “Адстаяць у чарзе з 5 раніцы, потым пад кабінетам, і толькі для таго, каб зайсці ў кабінет і лекар напісаў „здаровы“ за хвіліну”.
Адна з карыстальніц наогул сцвярджае наступнае: “Мы так у школу даведку і не ўзялі дагэтуль. Пойдзем праз гэта ў сад яшчэ на адзін год”.
А іншая карыстальніца назвала тое, што адбываецца, “здзекам”.