У Віцебску прарвала газаправод
2- 19.08.2024, 12:40
- 3,632
Эвакуавалі дзіцячы садок і людзей з найбліжэйшых дамоў.
Сёння раніцай у Віцебску адбыўся прарыў газаправода на вуліцы Шмырова.
З-за небяспечнай сітуацыі ратавальнікі пастанавілі эвакуаваць дзіцячы садок №8, які знаходзіцца непадалёк, у якім знаходзілася 25 дзяцей і 10 чалавек персаналу. Таксама былі эвакуаваны жыхары найбліжэйшых дамоў.
Месца аварыі ачапілі, супрацоўнікі "Віцебскгазу" рамантуюць газаправод. Пацярпелых, паводле звестак МНС, няма.