Пухнаты байкер замілоўвае жыхароў Берасця і скарае сацыяльныя сеткі

Ролікі з цікавым матацыклістам збіраюць сотні тысяч праглядаў.

Дарога, вецер, роў матора і ... сабачка - менавіта ў такой кампаніі на сваім матацыкле катаецца дзяцюк з Берасця, піша tochka.by.

Некалькі гадоў таму ў сям'і берасцейца з'явіўся мілы джэк-расэл-тэр'ер на мянушку Джэкі.

Мужчына надумаў завесці TikTok-старонку, дзе выкладваў ролікі ад імя сабачкі, які кожны раз расказвае якую-небудзь гісторыю са свайго жыцця. Але ўсё змянілася, калі чатырохногі надумаў стаць байкерам.

Зразумела, ён папрасіў гаспадара купіць яму шалом (бо на матацыкле толькі так), а таксама стылёвыя акуляры. Пасля гэтага чалавек і сабака пачалі гойсаць па Берасці.

Такі пухнаты байкер на вуліцах абласнога цэнтра замілаваў мясцовых жыхароў, якія вельмі хочуць пазнаёміцца з сабачкам.

Акрамя таго, сабачка ўжо паспеў сабраць вялікую фан-базу, якая часам не дае яму праходу.

У кожным выпадку, пухнаты матацыкліст выклікае на дарогах толькі ўсмешку, а ў TikTok набыў папулярнасць, бо відэа з ім збіраюць сотні тысяч праглядаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com