У Літву беларусы могуць уехаць на матацыкле

Без чэргаў і абмежаванняў.

Пачынаючы з 17 жніўня патрапіць з Беларусі ў Літву на ўласным аўто могуць толькі беларусы з візай ці ДНЖ, выдадзенымі менавіта ў Літве. Для ўсіх астатніх адзіны шлях у Еўразвяз на аўто ляжыць праз дзейны пункт пропуску «Берасце» на беларуска-польскай мяжы. Але ёсць альтэрнатыва - матацыкл, паведамляе «Наша Нiва».

Санкцыі ЕЗ, якія даюць магчымасць краінам самастойна вызначаць, якімі будуць абмежаванні наконт уезду легкавых аўто з беларускай рэгістрацыяй, ніяк не закранаюць такі тып транспарту, як матацыклы, скутары і мапеды.

З гэтага вынікае, што беларускія матацыклісты, як і раней, могуць патрапіць, напрыклад, у Літву на матацыкле. Пры гэтым, няма розніцы, віза ці ДНЖ якой краіны ёсць у вандроўцы.

Інфармацыя аб тым, што няма ніякіх абмежаванняў для матацыклістаў пасля 17 жніўня, днямі пачала з'яўляцца ў спецыяльных чатах.

Тое, што на перасячэнне беларуска-літоўскай мяжы на матацыкле няма ніякіх абмежаванняў, пацвердзілі і ў літоўскай мытні.

Таму беларусы могуць прыязджаць у Літву на матацыклах нават у тых выпадках, калі яны маюць, напрыклад, польскую візу ці польскі ДНЖ.

А што рабіць зімой?

Скарыстаць такую магчымасць можна да зімы, бо цягам трох зімовых месяцаў у Літве забаронена ездзіць на матацыклах з летнімі покрыўкамі.

Таксама нельга ездзіць на матацыкле ў Літву ў сакавіку і лістападзе, калі хаця б частка праезнай часткі пакрыта снегам ці лёдам.

З 1 красавіка ніякіх абмежаванняў на паездкі на матацыклах на летніх покрыўках няма.

Нагадаем, што на аўтамабілі ў Літву пачынаючы з 17 жніўня могуць патрапіць толькі беларусы з візай ці ДНЖ, выдадзенымі Літвой. Такі пераходны перыяд будзе дзейнічаць да 18 студзеня 2025 года. Пасля гэтай даты аўто з беларускімі нумарамі не змогуць знаходзіцца ў Літве незалежна ад таго, з якой краіны яны туды ўехалі.

Але гэтыя абмежаванні не распаўсюджваюцца на матацыклы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com