У Астравецкім раёне настаўнік трэніраваў няісных дзяцей
6- 19.08.2024, 18:30
- 4,216
Трэнер зарабіў больш за 9000 рублёў.
Трэнера з Астравецкага раёна судзілі за махлярства: паводоле дакументаў ён праводзіў заняткі ў трох групах, якіх не існавала, расказалі ў пракуратуры Гарадзенскай вобласці.
Са слоў пракуратуры, абвінавачаны працаваў трэнерам-выкладчыкам у спартовай школе і паўгода атрымліваў грошы, якія яму не належалі.
- Мужчына падмануў службовых асоб спартовай школы і падаў ім фіктыўныя дакументы аб фармаванні трох навучальных груп і правядзенні ў іх заняткаў, выкраў налічаныя ў якасці заробку грошы ў суме, большай за 9000 рублёў, - гаворыцца ў паведамленні ведамства.
Суд пастанавіў: пакараць выкладчыка пазбаўленнем волі на год з адтэрміноўкай за год, а таксама грамадска-карыснымі працамі. Прыгавор не набыў моцы і можа быць абскарджаны і апратэставаны.