У Капыльскім раёне гарэла вёска

Агонь ахапіў шэсць дамоў і гаспадарчых пабудоў.

19 жніўня ў Капыльскім раёне Менскай вобласці гарэла вёска Выня. Ратавальнікі некалькі гадзін змагаліся з агнём, там працавала блізу дзясятка адзінак спецтэхнікі. Як піша «Мінская праўда», ваду для запраўкі аўтацыстэрнаў падвозіла сельскагаспадарчая тэхніка. Трактары ўзаралі зямлю вакол вёскі для недапушчэння распаўсюджвання агню на полі.

На месцы разгортвалі штаб ліквідацыі надзвычайнай сітуацыі. З першапачатковых звестках ратавальнікаў, у вёсцы гарэла 6 дамоў і гаспадарчых пабудоў. Відавочцы гавораць, што гарэлі дамы, у якіх ніхто не жыве. У Капыльскім райвыканкаме гавораць, што ў вёску прыязджаюць агароднікі.

МНС паведамляе аб 3 знішчаных агнём дамах, якія выкарыстоўваліся як лецішчы, і 6 гаспадарчых пабудовах. Яшчэ адна хата і адна пабудова пашкоджаныя. Прычына ўзгарання пакуль невядомая.

Пацярпелых няма.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com