Спадчынніца трона Швэцыі пачала вучыцца на афіцэра

47-гадовая кронпрынцэса Вікторыя пачала навучанне ў Швэдскім універсітэце абароны.

Кронпрынцэса Швэцыі, 47-гадовая Вікторыя ў панядзелак, 19 жніўня, пачала навучанне ў Швэдскім універсітэце абароны, каб атрымаць афіцэрскі ранг.

Пра гэта паведамілі ў швэдскім каралеўскім палацы.

Спадчынніца прастола Швэцыі, як адзначаецца, пройдзе спецыяльны курс падрыхтоўкі афіцэраў для "далейшага паглыблення свайго ўдзелу ў дзейнасці швэдскіх Узброеных сіл і атрымання больш глыбокага разумення тактыкі, вайсковай навукі і ваеннай стратэгіі".

"Мае амбіцыі цяпер ў тым, каб укласці ўсю сваю энэргію ў афіцэрскую падрыхтоўку, каб у будучыні як мага лепш прадстаўляць Швэцыю і швэдскія Узброеныя сілы", - заявіла Вікторыя.

Спецыялізаваная афіцэрская падрыхтоўка ў Швэцыі тычыцца людзей, якія ўжо маюць вышэйшую адукацыю, і ахоплівае як тэарэтычны, так і практычны кампаненты.

У 2003 годзе кронпрынцэса Вікторыя прайшла ўжо базавую вайсковую падрыхтоўку ў Міжнародным цэнтры Узброеных сіл Швэцыі і атрымала ранг кадэта. Яна таксама вывучала канфлікталогію ва ўніверсітэце.

На праграму афіцэрскай падрыхтоўкі яна падалася ў красавіку гэтага года - амаль адразу пасля таго, як Швэцыя стала чальцом NАТО.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com