У Менску падчас непагадзі абрынулася балконнае акно з восьмага паверха
3- 19.08.2024, 21:11
- 9,576
![У Менску падчас непагадзі абрынулася балконнае акно з восьмага паверха](https://i.c97.org/ai/607404/aux-head-1724090732-20240101_st_360.jpg)
Фотафакт.
Чытач расказаў карэспандэнту Onlíner пра сур'ёзнае здарэнне ў сталічным мікрараёне Уручча. Паводле ягоных слоў, падчас непагадзі з восьмага паверха шматкватэрнага дома абвалілася балконнае акно — усё цалкам, чатыры зашклёныя створкі.
Інцыдэнт здарыўся прыблізна а 19-й гадзіне. Увечары надвор'е сапсавалася: ішоў дождж, узняўся вецер.
- Гэта вуліца Гарадзецкая, 13. Я сам бачыў, як усё здарылася. Вецер у той момант быў моцны, але не надта. Магчыма, акно ўжо было не вельмі добра замацаванае ў той момант, - выказаў меркаванне відавочца.
![](https://i.c97.org/ai/607404/aux-1724090742-11.jpg)
Акно ўпала на зялёную зону, але паблізу размешчаны ходнікі, на якіх маглі знаходзіцца людзі.
- Непадалёк праходзіла дзяўчына з сабакам, але абышлося, - распавёў чытач.
Мяркуючы з фота, падаючы, акно зачапіла цагляны казырок на другім паверсе, ён таксама часткова абрынуўся.
![](https://i.c97.org/ai/607404/aux-1724090742-22.jpg)