Мэдыі: У ФСБ РФ рыхтуюцца адстаўкі высокапастаўленых генералаў
2- 19.08.2024, 21:16
- 10,300
![Мэдыі: У ФСБ РФ рыхтуюцца адстаўкі высокапастаўленых генералаў](https://i.c97.org/ai/607405/aux-head-1724091294-20240101_st_360.jpg)
У адстаўку можа пайсці і дырэктар ФСБ Аляксандр Бортнікаў.
Унутры Федэральнай службы бяспекі пачалася барацьба за ўладу ў сувязі з будучым выслабаненнем некалькіх кіроўных пасад, у тым ліку крэсла самога дырэктара ФСБ Аляксандра Бортнікава, пішуць «Важные истории».
Са слоў крыніц, неўзабаве можна будзе назіраць эфект даміно ў выглядзе адставак вядомых генералаў, бо расейская сістэма ўлады ўладкаваная такім чынам, што аслабленне ключавой постаці абарочваецца праблемамі для яе пратэжэ. «Пачалася жорсткая калатня», — канстатуюць дзейны і два былыя супрацоўнікі ФСБ.
У лістападзе Бортнікаву споўніцца 73 гады. На яго не распаўсюджваецца абмежаванне гранічнага тэрміну службы праз высокі ранг генерала арміі, але сам ён, як сцвярджаюць суразмоўцы выдання, даўно «просіцца на спачын паводле стану здароўя».
Крыніцы называюць асноўнымі кандыдатамі на гэтую пасаду першага намесніка дырэктара ФСБ Сяргея Каралёва, які мае шматгадовыя сувязі з лідэрамі расейскага злачыннага свету, а таксама кіраўніка службы контрвыведкі Уладзіслава Меньшчыкава. Пры гэтым Каралеву прарочаць павышэнне "паводле інэрцыі", бо даўней кіраўнікі ФСБ прыходзілі з эканамічнага блока, каб трымаць у цуглях буйных бізнэсоўцаў.
«Прыярытэты змяніліся: важнасць кантролю над алігархамі прамінула. Цяпер ключавое пытанне — кантроль над войскам і вайскова-прамысловым комплексам, дыверсанты і тэрарысты, а гэта тэма Меньшчыкава», — кажа галоўны рэдактар agentúra.ru, эксперт у расейскіх спецслужбах Андрэй Салдатаў.
Таксама свае пазіцыі ўнутры ФСБ страціў памочнік прэзідэнта РФ Нікалай Патрушаў, які ўзначальваў службу блізу 9 гадоў, да 2008 года. Затым яго прызначылі сакратаром Рады бяспекі, тым не менш ён захоўваў вялікі ўплыў унутры службы. Са слоў крыніц, людзі Патрушава далей працуюць у ФСБ, але пасля ягонага пераводу на «зневажальную пасаду» памочніка прэзідэнта ў караблебудаванні яны наўрад ўтрымаюцца на сваіх месцах.
Так, можна чакаць адстаўкі аднаго з ключавых генералаў суполкі Патрушава і ўсёй ФСБ — кіраўніка службы аховы канстытуцыйнага ладу Аляксея Сядова, якому сёлета споўніцца 70 гадоў. Тэлеграм-канал "ВЧК-ОГПУ" пісаў, што прэтэнзіі да высокапастаўленага вайскоўца ўзніклі пасля тэрарыстычнага акту ў падмаскоўнай канцэртнай зале "Крокус Сіці Хол", які забраў жыцці 145 чалавек.
Суразмоўцы «Важные истории» адзначаюць, што апаратная барацьба за крэсла, якое выслабаняецца, ужо пачалася: сярод іншых на месца Сядова прэтэндуе Іван Ткачоў — кіраўнік управы «К», якая неаднаразова выкарыстоўвалася ўнутрыпалітычным блокам адміністрацыі прэзідэнта для расправы над непажаданымі. Аднак крыніцы мяркуюць, што ён наўрад станецца пераможцам у гэтай барацьбе за ўладу, бо лічыцца чалавекам кіраўніка "Роснефть" Ігара Сечына, які таксама меў вялікі ўплыў у ФСБ, але пакрысе страціў свае пазіцыі.
У чэрвені стала вядома аб звальненні начальніка 5-й службы ФСБ генерал-палкоўніка Сяргея Бяседы — з ім звязвалі фіяска Пуціна на пачатку ўварвання ва Украіну. Паведамлялася, што супрацоўнікі падраздзялення забяспечылі прэзідэнта хлуслівымі выведнымі звесткамі, быццам рэгіёны суседняй краіны чакаюць «вызвалення» ад Кіева і «пабягуць» да Расеі, як толькі надарыцца такая магчымасць. У выніку войскі РФ выявіліся не гатовымі да маштабнага супраціву ва Украіне і зазналі цяжкія страты.
Пасаду кіраўніка 5-й службы ФСБ заняў Аляксей Комкаў — раней ён быў намеснікам кіраўніка службы контрвыведкі.
Таксама кадравыя змены чакаюць 9-ю ўправы (УУБ) ФСБ. Увосень або раней яго кіраўнік генерал Аляксей Вярцяшкін можа перайсці на пасаду кіраўніка УФСБ Масквы і Маскоўскай вобласці, замяніўшы Аляксея Дарафеева, паведамлялі крыніцы "ВЧК-ОГПУ".