Экспэрты назвалі найлепшыя смартфоны для студэнтаў і школьнікаў пад розны бюджэт

Гэтыя прылады прапануюць выдатную прадукцыйнасць, добрую батарэю, а таксама абарону ад вады.

Папулярнае выданне пра тэхна Android Central напярэдадні 1 верасня выпусціла матэрыял з падборкай найлепшых тэлефонаў Android для студэнтаў/школьнікаў. Гэтыя гаджэты прапануюць выдатную прадукцыйнасць, добрую батарэю, а таксама абарону ад вады і пылу.

Топ складаецца ў асноўным з даступных апаратаў, паколькі ў шматлікіх навучэнцаў няма грошай, каб дазволіць сабе самы апошні iPhone ці Android-флагман.

Google Pixel 8a - найлепшы. У тэлефона ёсць усё, што трэба: топавая оптыка, аптымальнае жалеза і самавітая аўтаномнасць, а каштуе ён пры гэтым нядорага. А абнаўляцца ён будзе аж да 2030 года, калі выйдзе Android 20.

Samsung Galaxy A35 – найлепшая прапорцыя кошту і якасці. Пры цэнніку танней за $350 смартфон прапануе аптымальную асноўную і франтальную камеры, плаўны 120-герцовы дысплей, а таксама мае абарону ад вады і пылу паводле стандарту IP67.

Samsung Galaxy A25 - найлепшая батарэя. Аўтаномнасць гаджэта забяспечвае акумулятар 5000 мач - ён з лёгкасцю "жыве" поўны працоўны дзень без сілкавання. Акрамя таго, усё ў парадку з фотамагчымасцямі - вырашае якасная трайная камера на 50+8+2 Мп з аптычнай стабілізацыяй на галоўным модулі.

OnePlus 12R - найлепшая прадукцыйнасць. За яе адказвае экс-флагманскі чып Snapdragon 8 Gen 2, гэта значыць з запускам патрабавальных гульняў праблем не ўзнікне нават праз пару гадоў.

OnePlus Nord N30 самы танны варыянт. Пры абмежаваным бюджэце вы атрымліваеце працяглы тэрмін службы батарэі, вялікі 6,72 – цалевы дысплей з частатой 120 Гц і 108-мегапіксэльны асноўны сэнсар: усё тое, што людзі шукаюць у бюджэтніку.

Moto G Stylus (2024) - лнаепшы для нататак. Абноўленая мадэль атрымала бесправадное сілкаванне і абноўлены экран, захаваўшы пры гэтым асноўную фішку - убудаваны стілус. Такі зараз можна знайсці толькі ў топавых Samsung Galaxy Ultra.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com