У Растоўскай вобласці, дзе шосты дзень гарыць нафтабаза, адбылося яшчэ адно надзвычайнае здарэнне
15- 23.08.2024, 21:15
- 13,424
![У Растоўскай вобласці, дзе шосты дзень гарыць нафтабаза, адбылося яшчэ адно надзвычайнае здарэнне](https://i.c97.org/ai/607953/aux-head-1724436908-20240326_media_2.jpg)
Відэафакт.
У горадзе Пралетарск Растоўскай вобласці, дзе ўжо шосты дзень гарыць нафтабаза, пачаўся яшчэ адзін пажар. Агонь ахапіў жылыя дамы.
Пра гэта паведамляе "РБК-Украіна" са спасылкай на МНС РФ у Telegram і расейскія Telegram-каналы.
У МНС сцвярджаюць, што ў Пралетарску гарыць "сухая расліннасць". Расейскія Telegram-каналы пішуць пра ўзгаранне чароту.
"Агонь перайшоў на жылыя будынкі", - удакладняюць у МНС.
На відэа, якія публікуюць у сеціве, можна заўважыць, што пажар - каля чыгункі. Мясцовыя жыхары публікуюць кадры, дзе па чыгунцы вязуць цыстэрны, што можа прывесці да новых выбухаў.
Пры гэтым расейцы скардзяцца, што чарот нібыта маглі падпаліць “дыверсанты”.