Байдэн пагаварыў з Зяленскім і абвясціў аб новым пакеце дапамогі Украіне
4- 23.08.2024, 21:52
- 2,032
![Байдэн пагаварыў з Зяленскім і абвясціў аб новым пакеце дапамогі Украіне](https://i.c97.org/ai/400057/aux-head-1604952234-20201107_baydn_120.gif)
Яго сума складае $125 мільёнаў.
ЗША абвясцілі аб новым пакеце вайсковай дапамогі для Украіны. Яго сума складае 125 мільёнаў даляраў, паведамляе РБК-Украіна са спасылкай на Белы дом.
- Заўтра, калі народ Украіны будзе адзначаць свой Дзень Незалежнасці, няхай будзе зразумела: калі пачалася бессэнсоўная вайна Расеі, Украіна была свабоднай краінай. Сёння яна ўсё яшчэ застаецца свабоднай краінай. І вайна скончыцца, калі Украіна застанецца свабоднай, суверэннай і незалежнай краінай, - заявіў Байдэн.
Паводле ягоных слоў, ён гутарыў з прэзідэнтам Уладзімірам Зяленскім.
Адзначым, што перад гэтым выданне Associated Press паведаміла аб змесце пакета. Паводле інфармацыі журналістаў, гаворка ідзе пра:
- боепрыпасы да рэактыўных сістэм HIMARS;
- ракеты для сістэм супрацьпаветранай абароны;
- супрацьтанкавыя ракеты Javelin і шэраг іншых супрацьтанкавых ракет;
- сістэмы і абсталяванне для барацьбы з беспілотнікамі і радыёэлектроннай барацьбы;
- 155-мм і 105-мм артылерыйскія боепрыпасы;
- транспартныя сродкі і іншае абсталяванне.
Пакет прадстаўлены ў рамках паўнамоцтваў прэзідэнта ЗША аб выдачы зброі, боепрыпасаў і тэхнікі з амерыканскіх вайсковых складоў для задавальнення кароткатэрміновых запатрабаванняў украінскіх сіл абароны.
Гэта азначае, што яе возьмуць са складоў Пентагона і змогуць даставіць ва Украіну значна хутчэй.