Ілан Маск запатрабаваў вызваліць Паўла Дурава

Уладальнік сацыяльнай сеткі X таксама расказаў, у чым розніца паміж Дуравым і Цукербэргам.

Уладальнік сацыяльнай сеткі X, Tesla і SpaceX Ілан Маск змясціў некалькі паведамленняў у падтрымку заснавальніка Telegram Паўла Дурава. Ён апублікаваў гэштэг #FreePavel ("Волю Дураву") разам з інтэрвію заснавальніка Telegram. Таксама ён змясціў паведамленне: «Еўропа. 2030 год. Вас караюць смерцю за тое, што вы ўпадабалі мэм».

Таксама Маск патлумачыў, у чым розніца паміж Дуравым і заснавальнікам Meta Маркам Цукербэргам. Паводле ягоных слоў, Цукербэрг супрацоўнічае з уладамі і дае ім звесткі аб карыстальніках, таму заснавальніку Facebook не пагражае затрыманне, як Дураву. Ён не выключаў, што прэтэнзіі следам за Telegram могуць узнікнуць і да X.

«Бо ён (Цукербэрг — заўвага) ужо паддаўся ціску цэнзуры. Instagram мае вялікую праблему з эксплуатацыяй дзяцей, але Цуку не пагражае арышт, бо ён цэнзуруе свабоду слова і дае ўрадам таемны доступ да звестак карыстальнікаў», — заявіў ён.

Французскія мэдыі паведамляюць, што Дураву пагражае да 20 гадоў турмы за суўдзел у злачынствах, якія адбываюцца з ужываннем ягонага мэсэнджэра.

Паводле папярэдняй інфармацыі ордэр выдалі праз тое, што ён не супрацоўнічаў з праваахоўнікамі. Яму выставяць абвінавачанне паводле некалькіх артыкулаў: тэрарызм, наркотыкі, суўдзел, махлярства, адмыванне грошай, хаванне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com