Стала вядома, колькі грошай зарабіла Сабаленка за апошні год
15- 25.08.2024, 17:17
- 5,878
![Стала вядома, колькі грошай зарабіла Сабаленка за апошні год](https://i.c97.org/ai/349613/aux-head-1569405458-20190925_aryna_sabalenka_Getty_360.jpg)
ФОТА: GETTY IMAGES
Вынік уражвае.
Выданне Forbes апублікавала рэйтынг самых высокааплатных тэнісістаў і тэнісістак свету за апошнія 12 месяцаў. Дзясятае месца заняла беларуска Арына Сабаленка.
Паводле падлікаў Forbes, яна зарабіла за апошні год 13,7 мільёна даляраў, з якіх на корце прыкладна палову - 6,7 мільёна.
“Пасля другой запар перамогі на Australian Open у студзені Сабаленка прапусціла „Уімблдон“ з-за траўмы пляча і пастанавіла прапусціць Алімпіяду, каб адпачыць. Але яна перамагла на Cincinnati Open у гэтым месяцы, перапыніўшы пераможную серыю Джэсікі Пегулы на US Open і вярнуўшыся на другое месца ў рэйтынгу адзіночнага разраду. Цяпер Сабаленка выходзіць на US Open у якасці фаварыткі”, - адзначае выданне. Як адзначае Forbes, акрамя тэніса, Сабаленка нядаўна атрымала падтрымку ад франшызы açaí bowl chain Oakberry і брэнда слухавак Master \u0026 Dynamic.
Першае месца ў рэйтынгу Forbes заняў гішпанец Карлас Алькарас (42,3 мільёна даляраў), другое — серб Новак Джокавіч (37,2 мільёна), трэцяе — амерыканка Коры Гаўф (27,1 мільёна).