У Намібіі заб'юць сланоў і бегемотаў, каб раздаць мяса людзям у нястачы

Краіна на мяжы голаду праз моцную засуху.

Улады Намібіі прынялі пастанову адстрэльваць дзікіх жывёл, каб раздаць іх мяса мясцовым жыхарам. Намібія, як і многія афрыканскія краіны, перажывае моцную засуху, яе грамадзянам, асабліва ў сельскіх раёнах, не стае вады і ежы.

Міністэрства навакольнага асяроддзя плануе забіць 723 жывёліны. У іх ліку 83 сланы, 30 бегемотаў, 60 буйвалаў, 300 зебраў і розныя віды антылоп. Адстрэл будзе рабіцца ў парках і прыгарадных раёнах, дзе дзікай жывёле не стае ні пашы, ні водных рэсурсаў.

У рамках той жа праграмы прафесійныя паляўнічыя і кампаніі, якія атрымалі дзяржаўную замову, ужо забілі 157 буйных траваедных. Мясцовыя жыхары атрымалі больш за 56 тон мяса.

Міністэрства навакольнага асяроддзя заявіла, што ва ўмовах такой засухі непазбежная канкурэнцыя за ежу і ваду паміж чалавекам і жывёламі. Наяўныя прыродныя рэсурсы трэба выкарыстоўваць для дабра намібійцаў, адзначылі ў ведамстве.

Паводле ацэнкі ААН, цяперашняя засуха ў паўднёвай частцы Афрыканскага кантынента - наймацнейшая за апошнія некалькі дзесяцігоддзяў. На мяжы голаду знаходзяцца амаль 68 мільёнаў афрыканцаў. Намібія за апошні месяц вычарпала свае харчовыя рэзервы на 84 адсоткі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com