Новы расклад грамадскага транспарту ўводзяць у Менску
1- 27.08.2024, 21:37
- 2,406
![Новы расклад грамадскага транспарту ўводзяць у Менску](https://i.c97.org/p/articles/2015/ai-149027-aux-head-avtobus_minsk.jpg)
Падрабязна.
У Менску 2 верасня ўводзяць новы расклад грамадскага транспарту.
Як паведамілі ў ДП "Мінсктранс", з абноўленым графікам адновяць дзейнасць маршруты аўтобусаў №15д, 63д, 80д, 128, 185с, 186, 192, 196с.
Таксама абновіцца расклад аўтобусаў №1, 2с, 17, 18, 25, 26, 33, 42, 50с, 54, 61, 62э, 71, 73, 78, 81э, 84, 95, 96, 97, 98с, 1 , 111, 124, 127, 141а, 141б, 144с, 169.
З новымі інтэрваламі будуць ездзіць тралейбусы нумар 6, 7, 10, 19, 20, 27, 31, 33, 34, 36, 39, 40, 41, 46, 55, 64, 67, 90, а таксама трамваі нумар 1, 4 , 5, 9, 11.
Акрамя таго, з 7 верасня ў суботы аднаўляюцца аўтобусныя маршруты нумар 141а, 141б, будзе зменены расклад аўтобуса нумар 71.
Больш падрабязна пра расклад руху ўсіх маршрутаў менскага наземнага грамадскага транспарту можна даведацца на сайце minsktrans.by.
З 26 жніўня Менскі метрапалітэн перайшоў на зімовы рэжым дзейнасці.
Так, на першай і другой лініях інтэрвал руху цягнікоў у ранішнія гадзіны пік (з 7:00 да 9:00) складае 2 хвіліны, а ў вечаровыя (з 17:00 да 19:00, у пятніцу - з 16:00 да 18 :30) — 2,5 хвіліны. На трэцяй лініі інтэрвал руху цягнікоў застаўся ранейшым.
Для параўнання, у летні перыяд інтэрвалы руху цягнікоў у гадзіны пік складаюць 2,5 хвіліны на першай лініі, 3 хвіліны на другой лініі, яны не залежаць ад часу дня — раніца або вечар.