Расейцы ўсталявалі сістэму СПА «Панцыр-С1» на Крымскім мосце
6- 28.08.2024, 19:14
- 5,650
![Расейцы ўсталявалі сістэму СПА «Панцыр-С1» на Крымскім мосце](https://i.c97.org/ai/503041/aux-head-1655639046-20220619_most_360.jpg)
Баяцца «сюрпрызаў» ад ГУР.
Расейскія вайскоўцы надумалі ў чарговы раз узмацніць абарону Крымскага моста і ўсталявалі СПА «Панцыр-С1».
Пра гэта паведамляе Telegram-канал «Крымскі вецер».
Імаверна, баючыся ўкраінскіх удараў па мосце, расейцы перамясцілі туды самаходны зенітны ракетны комплекс «Панцыр-С1». Ён ужо амаль месяц фіксуецца на спадарожнікавых здымках.
![](https://i.c97.org/ai/608559/aux-1724861620-photo_2024-08-28_13-45-33.jpg)
Як адзначылі ў маніторынгавым канале, ім удалося атрымаць і рэальныя фота СПА ля моста.
«Панцыр-С1» - гэта расейскі самаходны зенітны ракетна-гарматны комплекс, прызначаны для абароны важных аб'ектаў і вайсковых груповак ад розных тыпаў паветраных пагроз на кароткіх і сярэдніх дыстанцыях.