Лукашэнка стаў бліжэйшы да Гаагі

Пракурор МКС правядзе вывучэнне матэрыялаў для змушэння дыктатара да адказнасці.

Пракурор Міжнароднага крымінальнага суда (МКС) Карым Хан выступіў з заявай у сувязі з атрыманнем ад Літвы матэрыялаў аб «трансгранічных злачынствах супраць чалавечнасці, учыненых Аляксандрам Лукашэнкам і ягоным суўдзельнікамі ў дачыненні да беларусаў» і просьбай расследаваць гэтыя злачынствы. Заява Хана апублікаваная на сайце МКС.

Пракурор пацвердзіў, што ў Літвы ёсць права перадаць у МКС такія матэрыялы, бо яна з'яўляецца ўдзельніцай Рымскага статута, на аснове якога заснаваны Міжнародны крымінальны суд.

Хан дадаў, што будзе праведзенае папярэдняе вывучэнне атрыманых матэрыялаў.

«30 верасня 2024 года Літоўская Рэспубліка падала зварот у маю канцылярыю, ажыццяўляючы сваю прэрагатыву як дзяржавы – удзельніцы Рымскага статута Міжнароднага крымінальнага суда (МКС) у адпаведнасці з арт. 14(1) Статута. У сваім звароце Літоўская Рэспубліка просіць маю ўправу расследаваць меркаваныя злачынствы супраць чалавечнасці, учыненыя ў Рэспубліцы Беларусь – дзяржаве, якая не з'яўляецца ўдзельніцай МКС, заяўляючы, што частка элементаў меркаваных злачынстваў была ўчыненая на тэрыторыі Літвы, дзяржавы – удзельніцы МКС», – сказаў Хан.

Ён растлумачыў, што ў звароце Літвы сказана, што расследаваць трэба злачынствы, пачынаючы з красавіка 2020 года і да гэтага часу. У якасці злачынстваў пералічаныя дэпартацыя, пераслед і іншыя бесчалавечныя дзеянні ў дачыненні да цывільнага насельніцтва Беларусі паводле ўказання найвышэйшых палітычных, праваахоўных і вайсковых кіраўнікоў краіны. Паколькі частка элементаў гэтых злачынстваў была ўчыненая на тэрыторыі Літвы, то гэта робіць іх «часова, тэрытарыяльна і матэрыяльна (як прадмет) падлеглымі пад юрысдыкцыю суда».

Хан падкрэсліў, што падача такога звароту ў МКС не абазначае, што аўтаматычна пачнецца расследаванне. Офіс пракурора правядзе спачатку папярэдняе вывучэнне атрыманых матэрыялаў.

«Я магу пацвердзіць, што мой Офіс правядзе папярэдняе вывучэнне з мэтай вывучыць зварот у межах юрысдыкцыі МКС і вызначыць на аснове патрабаванняў статута, ці ёсць разумныя падставы для пачатку расследавання», – заявіў пракурор.

Нагадаем, што Літва 30 верасня перадала ў офіс пракурора Міжнароднага крымінальнага суда (МКС) у Гаазе матэрыялы аб «трансгранічных злачынствах супраць чалавечнасці, учыненых Аляксандрам Лукашэнкам і ягоным суўдзельнікамі ў дачыненні да беларусаў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com