Навукоўцы плануюць спыніць час

Гэта адбудзецца ў 2029 годзе.

Навукоўцы ўпершыню ў гісторыі рыхтуюцца спыніць час. Гэта адбудзецца ў 2029 годзе, паведамляе беларуская рэдакцыя «Польскага радыё».

Звязана гэта з глабальнай праблемай хронаметражу. Першым на яе звярнуў увагу Дункан Эгню, геафізік з Інстытута акіянаграфіі Скрыпса ў Каліфарнійскім універсітэце ў Сан-Дыега. Свой артыкул ён апублікаваў у навуковым часопісе Nature.

Прыпыненне часу – гэта рэакцыя навуковага свету на змену клімату. У выніку такіх зменаў паскараецца сутачнае абарачэнне Зямлі. Істотным чыннікам у гэтым выпадку называюць раставанне ледзянога покрыва ў высокіх шыротах, уключаючы Грэнландыю.

Каардынацыя часу па ўсім свеце дазваляе сінхранізаваць час, напрыклад смартфонам і кампутарам. Некаторыя эксперты мяркуюць, што спыненне часу можа выклікаць сур'ёзныя праблемы з лічбавай інфраструктурай. Навукоўцы не ведаюць, як спыненне часу паўплывае на працу кампутараў, навігацыйных сістэмаў, авіярэйсаў, фондавых біржаў і іншых сістэмаў, якія залежаць ад дакладнага вымярэння часу.

У наш час розніца ў часе паміж атамным гадзіннікам усё яшчэ невялікая. Але ў будучыні розніца можа павялічыцца і прывесці да разыходжання паміж атамным і сонечным часам. На людзей гэта праблема непасрэдна не ўплывае, але яна мае значэнне для тэхнікі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com