Вынаходнікі стварылі разумныя акуляры для тых, хто амаль страціў зрок
- 9.01.2025, 21:55
- 2,690
Тэхналогія дае надзею.
Бруклінскі стартап Soliddd прапанаваў прататыпную версію акуляраў Soliddd Vision, спецыяльна распрацаваных для людзей з дэгенератыўным захворваннем вачэй, якое прыводзіць да поўнай страты зроку ў сталым узросце.
На гэтым тыдні на выставе CES 2025 у Лас-Вегасе дэбютавалі разумныя акуляры Soliddd, спецыяльна распрацаваныя для людзей з дэгенерацыяй жоўтай плямы (ДЖП). Гэтае дэгенерацыйна захворванне можа прывесці да размытасці або поўнай адсутнасці зроку ў цэнтры поля зроку. Хоць гэта не прыводзіць да поўнай слепаты, распазнанне твараў, кіраванне аўтамабілем, чытанне або выкананне іншых паўсядзённых дзеянняў можа быць абцяжаранае. Папярэднія даследаванні паказалі, што гэтае захворванне станавілася прычынай страты зроку ў сталым узросце ў больш як 40–50% выпадкаў у ЗША і Вялікай Брытаніі.
Як піша TechCrunch, распрацоўка Soliddd дазваляе пацыентам з ДЖП, якія часткова страцілі зрок, выкарыстоўваць наяўныя магчымасці вока. Разумныя акуляры маюць унікальныя запатэнтаваныя масівы лінзаў, якія нагадваюць вока мухі. Яны робяць праекцыю некалькіх асобных выяваў на непашкоджаныя адрэзкі сятчаткі. Гэта дазваляе мозгу натуральным чынам пабудаваць поўны 3D-малюнак з добрай вастрынёй. У выніку гэта адчуваецца пацыентам так, як быццам ён мае звычайны сфакусаваны зрок.
Цяпер акуляры з'яўляюцца толькі прататыпам. Кампанія імкнецца да спрашчэння формы, каб акуляры ўрэшце з выгляду былі зусім як звычайныя. Таксама Soliddd праводзіць клінічныя даследаванні. Кампанія запэўнівае, што продаж будзе магчымы яшчэ да атрымання дазволаў ад амерыканскага рэгулятара FDA.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
