Пуцін — Трампу: Ідзіце і разбярыцеся з «папяровым тыграм»

Дыктатар РФ хоча адчуць магутнасць амерыканскай зброі?

Дыктатар РФ Уладзімір Пуцін на пленарным пасяджэнні XXII штогадовай сустрэчы дыскусійнага клуба «Валдай» адказаў прэзідэнту ЗША Дональду Трампу, які назваў Расію «папяровым тыграм».

Пуцін заявіў, што краінам НАТА варта пайсці і паспрабаваць разабрацца з Расіяй, якую яны называюць «папяровым тыграм».

Кіраўнік Крамля таксама лічыць, што РФ ужо ваюе з усімі краінамі НАТА.

«Калі мы ваюем з усім блокам НАТА і так рухаемся, прасоўваемся, упэўнена сябе адчуваем, і гэта «папяровы тыгр»? Што тады сама НАТА? Што яна тады з сябе ўяўляе?», — задаўся Пуцін пытаннем.

«Я не ведаю, у якім кантэксце гэта было сказана, можа, з іроніяй было сказана. Вось ён сказаў свайму суразмоўцу: «Гэта ж папяровы тыгр». А далей што? Ну, дык ідзіце тады і разбярыцеся з гэтым папяровым тыграм. А там, бачыце, усё адбываецца па-іншаму», — дадаў дыктатар РФ.

Мадэратар сесіі прапанаваў пры сустрэчы з Трампам падарыць яму папяровую цацку ў выглядзе тыгра. Пуцін адмовіўся: «Ды не. У нас з ім свае адносіны, мы там ведаем, што адзін аднаму дарыць», — заявіў дыктатар РФ.

23 верасня Трамп назваў «бясцельнай барацьбой» вайну РФ ва Украіне і пасмяяўся з ваеннай моцы Масквы. Паводле слоў палітыка, Расія ўжо тры з паловай гады вядзе барацьбу, якая пры сапраўднай ваеннай сіле завяршылася б за тыдзень. Трамп падкрэсліў, што няздольнасць давесці ўзброены канфлікт да завяршэння робіць краіну падобнай на «папяровага тыгра».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com